再次傳來細佬的琴聲

時光匆匆,不經不覺家人已移民八年了,細佬同妹妹一直是我最擔心的,特別是細佬,因為佢年僅十歲就要面對異鄉的新生活,在語言,生活習慣,學習...都要從新適應,知道佢無人接放學,無人照顧...我是多麼的心痛.這些轉變也使細佬進入了低潮期,人變得反叛,不喜歡番學,面對失去鬥志的細佬,我地都憂心忡忡,幸好 終於守得雲開見月明啦,最近細佬已經正常番學,上次通電話時,仲叫我聽佢彈琴,好悅耳的琴音,雖然隔了個大西洋,但係我聽得出細佬的用心,佢前日仲寄左封email同我說叫我唔好擔心佢,佢現在係學校有好好地讀書呀,不用送生日禮物比佢,叫我儲番d錢呀,真係大個仔啦,老懷安慰^^

不問對錯,何等可悲!

陳水扁因為打擊台灣的黑金政治,反貪腐而受人民擁戴支持,一再當選總統.今天他竟因權謀私,貪贓枉法,罪行滔天,何等諷刺;陳水扁今天所犯之錯,除了貪贓枉法,還殆盡了人民的信任,可惜其罪行昭然若揭之際,仍有大批盲目追隨者,是瘋狂?還是輸不起,不願認證自己錯了?陳水扁最恐佈的是種下了"只問藍綠,不問對錯"的劣根性種子,何等可悲!
明天是澳門選擇的大日子,希望每個澳門人都可把這神聖的一票,投給良知,而不是所謂的"著數"(飯局,派禮,演唱會,現金....)因為那是對自身涵養的侮辱 吧,澳門人要爭氣呀^^

麥兜檔案

今日收到一份小禮物,是造型極可愛的麥兜電話蠅,還會閃燈,其不是什麼貴重之物,但就帶比我無限快樂,特別係佢的附錄,笑死我啦....
麥兜檔案----
出生年月: 1988年7月
性別: 男
就讀幼稚園: 春田花花幼稚園
夢想: 當奧運冠軍, 去馬爾代夫旅行(也是我的夢想之地)
性格: 單純, 憨厚, 樂觀, 與世無爭(就是我喜歡佢的原因,難得糊塗嘛^^)
麥兜語錄----
1.大難不死,必有鍋粥
2.臀結就是力量
3.一豬還有一豬兜
4.肉不琢,不成餅
5.天有不測之風雲,人有霎時之蛋撻

最Q的拉麵

由於今個暑假食左太多和味美食,所以真係念念不忘,為了一解相思之苦,老公在網上樂天市場,從日本宅配了人氣NO1的拉麵,雖然計埋運費有點貴,不過一試後,就覺得物有所值,先喝一口湯,當下即叮一聲,好似有幾十條魚係口中游來游去,鮮味十足.食埋黃澄澄的麵,即時食指大動,是我地食過最Q的拉麵,不愧為人氣NO1,異常Q,好有彈性,食飽飽的感覺真好,NO1拉麵為我們這個週末添上色彩!

羽毛球基金

羽毛球係我地一班朋友的共同點,因我地都好喜歡這又好玩,又有益身心健康的運動.於是我地就堅守一期一會的原則,即一個星期點都要會一次羽毛球,做一次運動,打完波真係成個人醒神曬.我好鐘意打波時那種忘掉一切的感覺,就是考反應,考體力,盡情地,認真地打一球.
我地一班朋友仲夾左個羽毛球基金,用來訂場,同買羽毛球.因為各位波友的技術越來越進步,所以之前買個兩筒羽毛球都報銷啦,於是我地就動用左我地的羽毛球基金,買左一筒victory的粉裝羽毛球,今個星期唔駛咁陰公,話說上個星期大家激戰連連,d波唔係體無完膚,就係肢離破碎,真係見者傷心,慘不忍睹.但我地發現隔離場d伯伯唔要d波,都比我地打緊個d靚,不得不讚下隔離場的伯伯同姨姨,佢地球技精湛而且充滿活力,老公講得啱,證明羽毛球係一輩子的運動,年紀幾大都玩得,我地唯有好可憐地,用移形換影的方法,執隔離伯伯唔要的波打啦^_^
今日既開心又傷心,因為我係放假,所以得閒寫下野,但我唔係慶祝教師節,而係病假,因為我發燒呀,不過我仲識得把去年的麥兜月曆改裝來裝飾垃圾筒,就知我無事了(又環保又美觀,我好欣賞我今之的手作).不過去看醫生時,佢話今日來看病的只有兩種人---老師及學生,真係要提高警覺,好好保重身體先得啦^v^

向"廁所婆婆"致敬

今日盡慶地打完波番到屋企,洗左衫,食D野,出埋卷,看看鐘都八點啦,嘩,再看看日曆...原來已經六號,開左學成個星期,我都無得閒過,故很久沒寫BLOG了(其實是上月25號就開始番工開會,預備下學年了).靜下來,想一想,番工真係似打扙,仲要係一發不可收拾個隻,由八點鐘開始,位都未坐暖,就不斷有問題需要處理,走上走落,滔滔不絕地講野,解決各式各樣的問題,重重複複講解內容,一定要講到佢地明嘛...再次靜下來都六點,可以收工啦.同暑假悠閒的時光,真係天壤之別,更不禁就回想起北海道的悠閒,但腦中突然閃過在函館遇見的"廁所婆婆",起初我是被廁所悅耳的歌聲吸引,雖聽不懂,但仍感受到婆婆是精神奕奕的.我途經時,她還向我報以熱情開朗的笑容,當時我呆住了,因佢跪在地上,洗緊馬桶呢.婆婆就係對住個馬桶邊哼歌,邊使勁地擦,哦..對"廁所婆婆"我除了佩服,還是佩服.一天中,工作之地就係我第二個家,不敬業樂業,不盡全力作育英才,實在講唔過去,我都要學習函館的廁所婆婆樂在工作中^v^

Hokkaido北海道夏之旅相集

經過2星期的整理,北海道的相終於有得睇啦!歡迎大家和我們一起分享這次旅行的喜悅,我們自己每看一次都好像又去了一次旅行似的,十五日的旅程,說長不長,說短也不短, 不過總算感受到當地人的風土人情, 令我們不枉此行.
北海道夏之旅按此出發