可愛的嫲嫲

用可愛來形容一位八十三歲的老人家,好像不太切題,但我實在想不到其他更貼切的詞語.雖然從小與嫲嫲分隔兩地,但每次見面一點陌生的感覺也沒有,兩嫲孫都可無所不談.嫲嫲出生書香世家,去過香港讀書,所以特別洋化,識英文架,她每天都要飲咖啡,吃多士.最喜歡食芒果,通常老人家都會話濕熱嘛!現在每天睇報紙,我父母都要用老花鏡,但嫲嫲都唔駛,真係厲害!我仲發覺嫲嫲記憶力超強,連我小時在台山的鄰居的名字,我結婚的地點,兒時的趣事...都朗朗上口地向我們娓娓道來!我想我咁多野講,都係家族遺傳吧^^

我最佩服是嫲嫲樂安天命的精神,我爺爺是個有志向的窮中醫,小時在廣州成條街的街坊都來找阿爺看診,遇到有困難的人仲會贈醫施藥,嫲嫲就是為了爺爺而放棄了跟隨其有錢的娘家移民.真係可歌的愛情故事.可惜,爺爺在我兩歲時病逝,跟著幾年我地同阿叔都移民來澳門.我也有問過嫲嫲會唔會悶,.但嫲嫲話每日就做好每日的事,明天的事明天先想,個個子女能獨立,有飯食,無論係邊,佢都好開心,所以佢常常笑口常開,嫲嫲真係好型架,唔同一般的老人家,佢去旅行的次數仲多過我,一班佛友包個團就去玩,有次仲先斬後奏,一去就去左八日,嚇死我地啦!佢話怕我地唔比佢去旅行呀,哈哈!不禁要向我現在還幫我表姐照顧bb的嫲嫲敬禮,這幾天佢就係來澳門放下自己假,唔駛看住個b喎.所以這幾天唔係我地陪佢玩,而係佢陪我地,教曉我地很多做人的道理!希望很快又可同嫲嫲玩,真是一位既可愛又讓人舒服的智者^^
可愛的嫲嫲