小朋友,大智慧

昨日上課前如常祈禱,站在我面前的小朋友讓我很震撼!她那堅定的眼神,動作的迅速,純真的微笑,看得出佢地都係發乎真心,這唔關宗教信仰的問題.我不是在傳教.不論相信與否,我尊重每一個宗教,只要是導人向善的,因為我相信各宗教到最終都是殊途同歸.我地每日都以主題講解德育,再藉祈禱發願祝福,小朋友認真完成,代表佢每天都在祝福,都在感恩.反觀把眼移向中學生那面,只有一張張迷茫的臉映入眼簾,我心想不認真活在當下,是不會快樂.但我不用照鏡,我都知我此刻也是"中學生",所以我立刻抖擻,提起精神,我要做小學生^v^

還有在放學時也發生了一件有趣的事,都是一位小朋友比我的啟發,我拿完簿,行在走廊,旁邊也走著一位背著重重書包的小朋友.我倆都看一看對方,跟著笑一笑,然後佢說:"老師早晨",我說:"乖,不過放學啦,應該係午安"怎知精佢靈的說"係老師再見先啱,老師bye bye"就隨即一支箭咁,背住大書包,個書包掩蓋左佢一半的身軀,但係佢都係蹦蹦跳咁走了.我地成年人常覺得自己壓力好大,覺得童年最快樂,其實小朋友都有佢地相應的壓力--大書包架,只不過佢地擁有赤子之心,純真看世界,不像我地成年人咁把問題複雜化,待人處事言不由衷吧!
我鐘意麥兜都係欣賞佢"大智若愚",最有智慧的人是擁有謙虛的赤子之心!