小食天堂---筷子基

自小就過著遊牧民族式的租屋生活,曾住過老鼠滿布的青州,雅廉房的天台屋,三盞登麵包店後的火爐般的屋,寶城樓上,高士德,關閘,台山,黑沙環....在眾多地方中最多美味小食的地方,一定要數我曾短住過數月的筷子基,以前老公放五點,之後就會來接我一起買小食,品嚐一個豐富的下午茶.昨日我地又可重溫這感覺啦,為了獎勵我努力完成活動,我就進行"掃街"行動,收穫甚豐,包括有最好味的咖哩芥末魚蛋,天婦羅蕃薯茄子,柚子蘆薈汁.....真係好食到唔停得口,我咁鍾意講野,都要停一停,食一食,食左先講呀,一日的辛勞都拋諸腦後 lu ^v^