永別了,輝仔!

今夜突然收到一個噩耗,輝仔昨夜走了,他是我乾媽的哥哥,是新加坡人,因患上類風濕關節炎而不能走動,話說都十年前,佢去中山醫病,我地就會在星期六陪乾媽去探佢,一起食野說笑,輝仔雖然比我們年長很多,但佢話唔好叫佢阿叔阿伯,叫老曬,故要我地叫佢輝仔,你就知佢有幾可愛啦!後來因成效不大,佢就番左去新加坡啦,05年的復活節,我地仲去了新加坡探佢,當時佢都瘦左很多,但還同我地周圍玩,佢除了教我地很多道理外,我地最欣賞就係佢樂觀的性格,去醫院治療,佢就話正呀,可以同d靚女護士傾計.....我地會永遠懷念你的幽默樂觀的性格,也會傳承你笑看人生的精神!你說最喜歡聽到我把聲,因好似陽光咁溫暖.在此我用我陽光的聲音:祝福你一路走好,在遙遠的他方展開你另一個樂活人生^^