化身一尾魚

世紀日蝕的奇觀在今晨展現於世,委實是奇觀,因為是五百年一遇,今次看唔到,下一世也未必睇到呀!故起來在電視看到全民踴躍的畫面,也引起了我地的興趣,於是老公拿相機打算幫佢留倩影呢!

我回校後,氣氛更熱烈,因為學校有眼鏡形濾鏡,故大家八時多已看到被吃掉四分一的太陽,好似"口水堅"咁,蠻可愛的,後來第一堂時我地帶同學生一起看,佢地異常興奮,睇完又睇,當時太陽已變成一個牛角包啦,小朋友的求知慾特別強,佢地好驚訝咁叫我睇下d陽光,原來在日蝕下太陽所發射的光線變成了月牙形,好似在電筒上放左個月亮圖形般,人人身上都滿布魚鱗光,彷如化身一尾魚,發現這奇景,於是我地都爭相同陽光玩遊戲!今天真快樂,與小朋友相處重遇孩童的我^v^